ಕ ದಪುಗಳು ಕೆಂಪೇರಿ ನೀ ನಾಚಿ ನಗುವಾಗ
ಕಾ ಲಲ್ಲೇ ನಿಂತಲ್ಲೇ ರಂಗೋಲಿ ಬರೆವಾಗ
ಕಿ ರಿದಾದ ನಗುವೊಂದು ಕಣ್ಣಲ್ಲಿ ಕಂಡಾಗ
ಕೀ ಲಿಕೈ ನೀನಾದೆ ಪ್ರೀತಿ ಬಾಗಿಲಿಗೆ….
ಕು ಶಲತೆಯ ಆ ಮಾತು, ಕೇಳುವಿಕೆಗಿಂಪು..
ಕೂ ತಲ್ಲಿ ನಂತಲ್ಲಿ ನಿನ್ನದೇ ನೆನಪು…!
ಕೆ ತ್ತಿಹೆನು ಎದೆಯಲ್ಲಿ ನಿನ್ನ ಹೆಸರನ್ನು ..
ಕೇ ಳಿಲ್ಲಿ ಒಂದುಕ್ಷಣ ಎದೆಬಡಿತವನ್ನು…
ಕೈ ಗೂಸಿನಂತೆಣಿಸಿ ಪ್ರೀತಿಸುವೆನು…
ಕೊ ರಗು ಕರಗಿಸು,
ಪ್ರೀತಿಸೌಧವನು ನೀ ಕಟ್ಟು
ಕೋ ರಿಕೆಯ ಒಪ್ಪಿ ಬಂದಪ್ಪಿ ಸಂತೈಸು…
ಕೌ ತುಕವ ಬದಿಗಟ್ಟಿ ಪ್ರೀತಿ ಸಾಲವ ನೀಡು
ಕಂತುಕಂತುಗಳಲ್ಲಿ ತೀರಿಸುವೆ-ಮುತ್ತುಗಳ..!!
ಕಹಿಬದುಕ ಸಿಹಿಗೊಳಿಸು, ಬಂದುಬಿಡು ನೀ…
. . . . . . ಸಖ್ಯಮೇಧ