ಹಂಬಲ

ಗೊಂದಲದ ಹುಡುಗಿಯೇ,
ಹಂಬಲದ ಹುಡುಗ ನಾ,..
ಚಂಚಲವ ಬದಿಗಿಟ್ಟು
ಸಂಚಲನವಾಗು ಬಾ…
___________
ನಿನ್ನ ನೆನಪಾಗಿ ಒಲೆ ಮೇಲಿರುವ ಅನ್ನದ ಪಾತ್ರೆ ಮೇಲಿನ
ಬಟ್ಟಲಿನಂತಾಡುತ್ತದೆ ಮನಸ್ಸು… ನಿನ್ನ ನೆನಪು
ತೀವ್ರವಾಗಿ ಅದರಲ್ಲೇ ಮುಳುಗಿದಾಗಲೇ ಅದು ಮತ್ತೆ
ಸ್ಥಿಮಿತಕ್ಕೆ ಬರೋದು..
ಕೊನೇ ಬಾರಿ ಸಿಕ್ಕಾಗ ಏನನ್ನು ಬಿಟ್ಟು ಹೋದೆಯೋ
ಗೊತ್ತಿಲ್ಲ.. ಸಂಪಿಗೆಯ ಘಮ ಮೂಗಿಗೆ
ಬಡಿದಾಗಲೆಲ್ಲ ನಿನ್ನದೇ ನೆನಪು..
ನಿಜ ಹೇಳ್ತೀನಿ, ಆ ನಿನ್ನ ಮುಖವನ್ನು ಸರಿಯಾಗಿ
ನೋಡಬೇಕೆಂದು ಎಷ್ಟೋ ಬಾರಿ
ಅಂದುಕೊಂಡಿದ್ದೇನೆ..
ನೀ ಸಿಕ್ಕಾಗಲೆಲ್ಲ ಮನಸ್ಸು ಗೊಂದಲದ
ಗೂಡಾಗಿ ಏನಾಗುವುದೋ ನನಗೇ ತಿಳಿಯುವುದಿಲ್ಲ..
ಆ ಮುಖವನ್ನು ಸರಿಯಾಗಿ ನೋಡಿಬಿಟ್ಟರೆ ಎಲ್ಲಿ ನನ್ನ
ಎದೆಬಡಿತ ನಿನಗೂ ಕೇಳಿಬಿಡುವಷ್ತು ಹೆಚ್ಚುವುದೋ ಎಂಬ
ಆತಂಕ… ಕನಸಿನಲ್ಲೂ ನಿನ್ನ ಮುಖದ ನಬದಲು
ಮುಂಗುರುಳು ಕಾಣುವುದೇ ಹೆಚು..
�
ಕೆಂಡಸಂಪಿಗೆ