ಇದು ಭಾವಾಲಾಪಗಳ ಸುರಿಮಳೆ
ನೀನೊಂದು ಸಾಹಿತ್ಯ, ನನ್ನೆದೆಯ ಲಾಲಿತ್ಯ
ಅತಿಮಧುರ ಸಾಂಗತ್ಯ, ಈ ಪ್ರೀತಿ ಸಿಹಿಸತ್ಯ
ಬೆರಳುಗಳ ದಾಂಪತ್ಯ, ನಡೆಸೋಣ ಪ್ರತಿನಿತ್ಯ
ನೀ ಬದುಕಿನಾಗತ್ಯ, ಈ ಬಂಧವೇ ಅಂತ್ಯ
.
ನಿನ್ನ ಕಂಗಳ ನೃತ್ಯ, ನನ್ನ ಕಣ್ಣಿಗೆ ಭತ್ಯ
ತುಂಟ ಕೂದಲ ಕೃತ್ಯ, ನನ್ನೆದೆಗೆ ಆತಿಥ್ಯ
ಕೇಶನಿಯಮದ ರೀತ್ಯ, ಆ ಜಡೆಯ ಸಾರಥ್ಯ
ನೀನಿರದ ಮನ ಮಿಥ್ಯ, ನೀ ಸಿಗಲು ಕೃತಕೃತ್ಯ
.
ಕೆಂಡಸಂಪಿಗೆ
. . . . . . . . . ಸಖ್ಯಮೇಧ
ಗೊಂದಲದ ಹುಡುಗಿಯೇ,
ಹಂಬಲದ ಹುಡುಗ ನಾ,..
ಚಂಚಲವ ಬದಿಗಿಟ್ಟು
ಸಂಚಲನವಾಗು ಬಾ…
___________
ನಿನ್ನ ನೆನಪಾಗಿ ಒಲೆ ಮೇಲಿರುವ ಅನ್ನದ ಪಾತ್ರೆ ಮೇಲಿನ
ಬಟ್ಟಲಿನಂತಾಡುತ್ತದೆ ಮನಸ್ಸು… ನಿನ್ನ ನೆನಪು
ತೀವ್ರವಾಗಿ ಅದರಲ್ಲೇ ಮುಳುಗಿದಾಗಲೇ ಅದು ಮತ್ತೆ
ಸ್ಥಿಮಿತಕ್ಕೆ ಬರೋದು..
ಕೊನೇ ಬಾರಿ ಸಿಕ್ಕಾಗ ಏನನ್ನು ಬಿಟ್ಟು ಹೋದೆಯೋ
ಗೊತ್ತಿಲ್ಲ.. ಸಂಪಿಗೆಯ ಘಮ ಮೂಗಿಗೆ
ಬಡಿದಾಗಲೆಲ್ಲ ನಿನ್ನದೇ ನೆನಪು..
ನಿಜ ಹೇಳ್ತೀನಿ, ಆ ನಿನ್ನ ಮುಖವನ್ನು ಸರಿಯಾಗಿ
ನೋಡಬೇಕೆಂದು ಎಷ್ಟೋ ಬಾರಿ
ಅಂದುಕೊಂಡಿದ್ದೇನೆ..
ನೀ ಸಿಕ್ಕಾಗಲೆಲ್ಲ ಮನಸ್ಸು ಗೊಂದಲದ
ಗೂಡಾಗಿ ಏನಾಗುವುದೋ ನನಗೇ ತಿಳಿಯುವುದಿಲ್ಲ..
ಆ ಮುಖವನ್ನು ಸರಿಯಾಗಿ ನೋಡಿಬಿಟ್ಟರೆ ಎಲ್ಲಿ ನನ್ನ
ಎದೆಬಡಿತ ನಿನಗೂ ಕೇಳಿಬಿಡುವಷ್ತು ಹೆಚ್ಚುವುದೋ ಎಂಬ
ಆತಂಕ… ಕನಸಿನಲ್ಲೂ ನಿನ್ನ ಮುಖದ ನಬದಲು
ಮುಂಗುರುಳು ಕಾಣುವುದೇ ಹೆಚು..
�
ಕೆಂಡಸಂಪಿಗೆ
ಕೆಂಡಸಂಪಿಗೆ
↓
ನ ಗುವ ಹವಳವು ಅವಳ ಕಂಗಳು
ನಾ ದ ಸೂಸುವ ಬಳೆಯ ಕೈಗಳು
ನಿ ಯತ ಹಾರುವ ಮುದ್ದು ಮುಂಗುರುಳು
ನೀ ಳ ಮೂಗಿನ ಕೆಳಗೆ ಮುಗುಳು
ನು ರಿತ ಕಂಗಳ ಒಳಗೂ ನಾಚಿಕೆ
ನೂ ರು ಬಿಮ್ಬದ ಮರಿ ಮರೀಚಿಕೆ
ನೆ ಪವೇ ಇಲ್ಲದೆ ನಾಚುವಾ ಮೊಗ
ನೇ ಮ ತಪ್ಪದ ಕೂದಲೇ ಸೊಗ
ನೈ ದಿಲೆಯು ಸಹ ನಾಚಿತೀಗ
ನೊ ಸಲ ಮೆಗಡೆ ಮುಡಿದ ಹೂವು
ನೋ ಡಿ ಖುಷಿಯಲಿ ಕುಣಿದ ಮನವು
ನೌ ಕೆಗೊಬ್ಬನೇ ಇರುವ ನಾವಿಕ
ನಂ ಟಿಲ್ಲವೆನಗೆ ನಿನ್ನ ಬಳಿಕ , ನಿನ್ನ ವಿ-
ನಃ ಎಲ್ಲ ನರಕ….
. . . . ಸಖ್ಯಮೇಧ
ಸಾಲು ಶ್ರೇಣಿಯ ರಜತ ಪರ್ವತ-
ದಂತೆ ಕಂಡಿದೆ ದಂತ ಪಂಕ್ತಿಯು
ಕಿವಿಯ ಲೋಲಕ ಬಹಳ ಮೋಹಕ
ಮನದಿ ಹೊಮ್ಮಿದೆ ಭಾವ ಸೂಕ್ತಿಯು….
ಕೆಂಡಸಂಪಿಗೆ ನಕ್ಕ ವೇಳೆಗೆ
ಮಿಕ್ಕ ಹೂಗಳು ಪಕ್ಕ ಸರಿದವು
ಚಿಕ್ಕ ಹೃದಯದಿ ಪುಕ್ಕ ಪಡೆಯಿತು
ಪ್ರೇಮಹಕ್ಕಿಯು ನಕ್ಕು ನಲಿಯಿತು…
#ಕೆಂಡಸಂಪಿಗೆ