ಅರೆ…!
.
ಸೂರ್ಯ ಪಶ್ಚಿಮಕ್ಕಿದ್ದಾನೆ,
ಸೂರ್ಯಕಾಂತಿಯ ಮುಖ ಪೂರ್ವಕ್ಕೆ…!!
.
ಓ…!! ಪೂರ್ವಕ್ಕೆ ನನ್ನವಳು ನಿಂತಿದ್ದಾಳೆ..!
ಕೆಂಡಸಂಪಿಗೆ
ಹೂಮೊಗ
ಹಂಬಲ
ಗೊಂದಲದ ಹುಡುಗಿಯೇ,
ಹಂಬಲದ ಹುಡುಗ ನಾ,..
ಚಂಚಲವ ಬದಿಗಿಟ್ಟು
ಸಂಚಲನವಾಗು ಬಾ…
___________
ನಿನ್ನ ನೆನಪಾಗಿ ಒಲೆ ಮೇಲಿರುವ ಅನ್ನದ ಪಾತ್ರೆ ಮೇಲಿನ
ಬಟ್ಟಲಿನಂತಾಡುತ್ತದೆ ಮನಸ್ಸು… ನಿನ್ನ ನೆನಪು
ತೀವ್ರವಾಗಿ ಅದರಲ್ಲೇ ಮುಳುಗಿದಾಗಲೇ ಅದು ಮತ್ತೆ
ಸ್ಥಿಮಿತಕ್ಕೆ ಬರೋದು..
ಕೊನೇ ಬಾರಿ ಸಿಕ್ಕಾಗ ಏನನ್ನು ಬಿಟ್ಟು ಹೋದೆಯೋ
ಗೊತ್ತಿಲ್ಲ.. ಸಂಪಿಗೆಯ ಘಮ ಮೂಗಿಗೆ
ಬಡಿದಾಗಲೆಲ್ಲ ನಿನ್ನದೇ ನೆನಪು..
ನಿಜ ಹೇಳ್ತೀನಿ, ಆ ನಿನ್ನ ಮುಖವನ್ನು ಸರಿಯಾಗಿ
ನೋಡಬೇಕೆಂದು ಎಷ್ಟೋ ಬಾರಿ
ಅಂದುಕೊಂಡಿದ್ದೇನೆ..
ನೀ ಸಿಕ್ಕಾಗಲೆಲ್ಲ ಮನಸ್ಸು ಗೊಂದಲದ
ಗೂಡಾಗಿ ಏನಾಗುವುದೋ ನನಗೇ ತಿಳಿಯುವುದಿಲ್ಲ..
ಆ ಮುಖವನ್ನು ಸರಿಯಾಗಿ ನೋಡಿಬಿಟ್ಟರೆ ಎಲ್ಲಿ ನನ್ನ
ಎದೆಬಡಿತ ನಿನಗೂ ಕೇಳಿಬಿಡುವಷ್ತು ಹೆಚ್ಚುವುದೋ ಎಂಬ
ಆತಂಕ… ಕನಸಿನಲ್ಲೂ ನಿನ್ನ ಮುಖದ ನಬದಲು
ಮುಂಗುರುಳು ಕಾಣುವುದೇ ಹೆಚು..
�
ಕೆಂಡಸಂಪಿಗೆ
ಕೆನ್ನೆ
ಆ ಮುದ್ದು ಬಿಳಿಗೆನ್ನೆ
ಬೆಲ್ಲ ತುಂಬಿದ ದೊನ್ನೆ
ಮರುಕಳಿಸೋ ಕಣ್ಸನ್ನೆ
ಅವಳೀಗ ಮನದನ್ನೆ…
ಬೆಲ್ಲ ತುಂಬಿದ ದೊನ್ನೆ
ಮರುಕಳಿಸೋ ಕಣ್ಸನ್ನೆ
ಅವಳೀಗ ಮನದನ್ನೆ…
ಮೋಹವೋ ದಾಹವೋ ಸಹವಾಸ ಬೇಕಿದೆ
ದೇಹಕ್ಕೂ ನೇಹಕ್ಕೂ ಮಧುಮೇಹ ಬಂದಿದೆ
ಹುಸಿಕಲಹ ಹೆಚ್ಚಿದೆ, ತುಸು ಸನಿಹ ಬಾ ಎಂದು
ಮುಸಿನಗುತ ಓಡದಿರು ಮನಸಿಂದು ಬೇಡಿದೆ…
#ಕೆಂಡಸಂಪಿಗೆ
. . . . . . . ಸಖ್ಯಮೇಧ
ದೇಹಕ್ಕೂ ನೇಹಕ್ಕೂ ಮಧುಮೇಹ ಬಂದಿದೆ
ಹುಸಿಕಲಹ ಹೆಚ್ಚಿದೆ, ತುಸು ಸನಿಹ ಬಾ ಎಂದು
ಮುಸಿನಗುತ ಓಡದಿರು ಮನಸಿಂದು ಬೇಡಿದೆ…
#ಕೆಂಡಸಂಪಿಗೆ
. . . . . . . ಸಖ್ಯಮೇಧ
ಕೆಂಡಸಂಪಿಗೆ
#ಪುರಾ_ನಾರೀ_ಪ್ರೇಮಧಾರೀ
ಕುಳಿರುಗಾಳಿಯ ತಂಪು ದನಿಯಲಿ
ಹೃದ್ಯವಾಗಿದೆ ಅವಳ ಪದ್ಯವು
ನೀರಧಾರೆಯ ಮಂದ ನಾಟ್ಯದಿ
ನಿತ್ಯ ಕಂಡಿದೆ ಅವಳ ನೃತ್ಯವು…..
ಹೃದ್ಯವಾಗಿದೆ ಅವಳ ಪದ್ಯವು
ನೀರಧಾರೆಯ ಮಂದ ನಾಟ್ಯದಿ
ನಿತ್ಯ ಕಂಡಿದೆ ಅವಳ ನೃತ್ಯವು…..
ತೂಗುತಿಹ ಹೆಜ್ಜೇನ ಹಿಂಡು
ನಾಚಿಕೊಂಡಿದೆ ಅಧರ ಕಂಡು
ಶಿಶಿರಕಾಲದ ತುಂಬು ಚಂದ್ರನ
ಮರೆಯಮಾಡಿದೆ ಹಣೆಯ ಚಂದನ….
ನಾಚಿಕೊಂಡಿದೆ ಅಧರ ಕಂಡು
ಶಿಶಿರಕಾಲದ ತುಂಬು ಚಂದ್ರನ
ಮರೆಯಮಾಡಿದೆ ಹಣೆಯ ಚಂದನ….
ಸಾಲು ಶ್ರೇಣಿಯ ರಜತ ಪರ್ವತ-
ದಂತೆ ಕಂಡಿದೆ ದಂತ ಪಂಕ್ತಿಯು
ಕಿವಿಯ ಲೋಲಕ ಬಹಳ ಮೋಹಕ
ಮನದಿ ಹೊಮ್ಮಿದೆ ಭಾವ ಸೂಕ್ತಿಯು….
ಕೆಂಡಸಂಪಿಗೆ ನಕ್ಕ ವೇಳೆಗೆ
ಮಿಕ್ಕ ಹೂಗಳು ಪಕ್ಕ ಸರಿದವು
ಚಿಕ್ಕ ಹೃದಯದಿ ಪುಕ್ಕ ಪಡೆಯಿತು
ಪ್ರೇಮಹಕ್ಕಿಯು ನಕ್ಕು ನಲಿಯಿತು…
#ಕೆಂಡಸಂಪಿಗೆ
ಸ್ಪೃಹಾ
#ಸ್ಪೃಹಾ
ಕಣ್ ಬದಿಯ ಕಾಡಿಗೆಯು
ನಡುವೆ ಹೊಳೆಯುವ ಕಣ್ಣು
ಕಾರಿರುಳ ರಾತ್ರಿಯಲೂ
ಚಂದ್ರ ಬಂದಂತೆ….
ಶಶಿಮುಖಿಯ ಕೊರಳಲ್ಲಿ
ಹೊಳೆವ ಚಂದದ ಸರವು
ಜೋತುಬಿದ್ದಿಹ ಪದಕ
ದಿನಕರನ ತುಣುಕು ….
ಹೊಳೆವ ಚಂದದ ಸರವು
ಜೋತುಬಿದ್ದಿಹ ಪದಕ
ದಿನಕರನ ತುಣುಕು ….
ಕೈಬಳೆಯ ಮೇಲಿರುವ
ಆ ಸಾಲು ಚುಕ್ಕಿಗಳು
ರಾತ್ರಿ ಕಾನನದಲ್ಲಿ
ಮಿಂಚುಹುಳ ನಕ್ಕಂತೆ,..
ಕೈಯಲ್ಲಿ ಕಳೆದುಂಬಿ
ಕಾಣುತಿದೆ ಮದರಂಗಿ
ಚದುರಂಗವಾಡೋಣ
ಕೈ ಮೇಲೆ ಮುದ್ದಾಗಿ…
. . . . . . . ಸಖ್ಯಮೇಧ
ಮುದ್ದು ಮುಖ
ಆ ನೀಳ ಮುಂಗುರುಳು
ಗಾಳವನು ಹಾಕಿದೆ
ತಾಳ ತಪ್ಪಿದ ಮನವು
ಅದಕೆ ವಶವಾಗಿದೆ…
ಗಾಳವನು ಹಾಕಿದೆ
ತಾಳ ತಪ್ಪಿದ ಮನವು
ಅದಕೆ ವಶವಾಗಿದೆ…
ಮುದ್ದಾದ ನುಣುಪಾದ
ಅವಳ ಮೂಗಿನಮೇಲೆ
ಜಾರುಬಂಡಿ ಆಡುತಿದೆ
ಹುಚ್ಚು ಕನಸು…
ಅವಳ ಮೂಗಿನಮೇಲೆ
ಜಾರುಬಂಡಿ ಆಡುತಿದೆ
ಹುಚ್ಚು ಕನಸು…
ಮೃದುವಾದ ಕಿವಿಯೆಂಬ
ಅಂದದಾ ಬಾವಿಯೊಳು
ಬೀಳಬೇಕೆನ್ನುತಿದೆ
ಎದೆಯ ಉಸಿರು ….
ಚಂದದಾ ಕೈ ನೆನೆದು
ಕೆನ್ನೆ ಕೆಂಪಾಗಿದೆ…
ಕೈತುತ್ತು ತಿನುವಾಸೆ
ಹಸಿವು ಹೆಚ್ಚಾಗಿದೆ…
‘ಮುತ್ತಿನ’ ಹಾರವನು
ತೊಡಿಸಲೇ ಕೊರಳಿಗೆ..
ಅಪ್ಪುಗೆಯ ಬಹುಮಾನ
ಕೊಡಲೇನು ಆ ಜಡೆಗೆ…
ಅ….
ಅಯ್ಯೋ !! ಸಾಕು ಸಾಕು…
#ಕೆಂಡಸಂಪಿಗೆ
. . . . ಸಖ್ಯಮೇಧ
ಅವಳೆಂದರೆ…
ಮಳೆಬರುವ ಮೊದಲಕ್ಷಣ
ಆಗಸವ ತುಂಬಿರುವ
ಮೇಘಗಳ ಗಾಂಭೀರ್ಯ
ಅವಳ ನಡೆಯಲ್ಲಿ…
ಆಗಸವ ತುಂಬಿರುವ
ಮೇಘಗಳ ಗಾಂಭೀರ್ಯ
ಅವಳ ನಡೆಯಲ್ಲಿ…
. ಮಂಜಿನಲೂ ತಾನರಳಿ
. ಅಂಜದೆಯೇ ಘಮ ಬೀರಿ
. ಮುದ ನೀಡುವಾ ಸುಮವು
. ಅವಳ ಕಣ್ಣಂತೆ…
. ಅಂಜದೆಯೇ ಘಮ ಬೀರಿ
. ಮುದ ನೀಡುವಾ ಸುಮವು
. ಅವಳ ಕಣ್ಣಂತೆ…
ಬಾನೆತ್ತರಕೆ ಬೆಳೆದು
ತಂಪು ನೆರಳನ್ನೀಯ್ವ
ಹೊಂಗೆ ವೃಕ್ಷದ ತರಹ
ಭರವಸೆಯ ಕಣ್ಣು…
. ಫಲಭರಿತ ಹೊಸದೊಂದು
. ಮರವೊಂದ ಕಂಡಾಗ
. ಹಕ್ಕಿಗಳು ನಕ್ಕಂತೆ
. ಬಳೆಯ ಸದ್ದು…
ಹಸಿರು ಗದ್ದೆಯ ನಡುವೆ
ಬೀಸುಗಾಳಿಯು ಹಾದು
ತೆನೆ ಬಳುಕಿ ನಕ್ಕಂತೆ
ಅವಳ ಮುಂಗುರುಳು…
. ಅತ್ತಿತ್ತ ಓಡಾಡಿ
. ಪೆದ್ದಾಗಿ ಕುಣಿಯುತಿಹ
. ಎಳೆಗರುವಿನಂತಹುದೇ
. ಮುಗ್ಧ ಮನಸು…
ಕೆಂಡಸಂಪಿಗೆ
. . . . . . ಸಖ್ಯಮೇಧ
ಚಂದಿರ
ಗೆಳತೀ ….,
ಆಕಾಶದಲ್ಲಿ ನಿನ್ನ
ಮುಖದ ಬಿಂಬ
ಪ್ರತಿಫಲನಗೊಂಡಿದೆ…
ಮತ್ತು
ಜನರು ಅದನ್ನು
ಚಂದಿರನೆನ್ನುತ್ತಾರೆ…
ಆಕಾಶದಲ್ಲಿ ನಿನ್ನ
ಮುಖದ ಬಿಂಬ
ಪ್ರತಿಫಲನಗೊಂಡಿದೆ…
ಮತ್ತು
ಜನರು ಅದನ್ನು
ಚಂದಿರನೆನ್ನುತ್ತಾರೆ…
ಇಚ್ಛೆ
ಹುಚ್ಚು ಪ್ರೀತಿಯ ಇಚ್ಛೆ ಹೆಚ್ಚಳ
ಮುಚ್ಚುಮರೆಯಲಿ ಆಸೆ ನಿಚ್ಚಳ….
ಒಲವ ಸೀಸೆಗೆ ನಗೆಯ ಮುಚ್ಚಳ
ಬಿಚ್ಚಿ ತೆರೆದರೆ ಪ್ರೀತಿ ಸಪ್ಪಳ..
ಸ್ವಚ್ಛ ಒಲವಿನ ಭಾವ ಹೆಚ್ಚಿದೆ
ಹೊಚ್ಚ ಹೊಸ ಅನುಭೂತಿ ಮೆಚ್ಚಿದೆ…
ಎದೆಯ ಕಿಚ್ಚಿಗೆ ತಂಪು ಹಚ್ಚುವ
ನಗೆಯ ಗುಚ್ಛವ ನೆಚ್ಚಿದೆ…
ತುಚ್ಛ ಕೃತಿಗಳು ಬೆಚ್ಚಿಬಿದ್ದಿವೆ
ಹಚ್ಚ ಹಸಿರಿನ ಪ್ರೀತಿ ಕಂಡು….
ಕೆಚ್ಚಿನಲಿ ಚುಚ್ಚುವಾ ಬಯಕೆಯು
ಇಚ್ಛೆಯಿಲ್ಲದ ಮಿಥ್ಯೆಗಳನು…
ಹಳೆಯ ಯೋಚನೆ ನುಚ್ಚುನೂರು
ಹಳೆಯ ಕಿಚ್ಚಿಗೆ ಬಿತ್ತು ನೀರು…
ಅಚ್ಚ ಪ್ರೀತಿಗೆ ವೆಚ್ಚ ಇಲ್ಲ
ಬಿಚ್ಚು ಮನಸಿನ ನುಡಿಯೇ ಎಲ್ಲ…
# ಕೆಂಡಸಂಪಿಗೆ
. . . . ಸಖ್ಯಮೇಧ
(ಕೃತಿ= ಕಾರ್ಯ ಎಂಬರ್ಥದಲ್ಲಿ ಬಳಸಲಾಗಿದೆ.
ಹಾಗೂ ಸಂಬಂಧಗಳು ಎಂಬರ್ಥದಲ್ಲಿ
ಕೊಂಡಿ ಪದ ಬಳಸಿದೆ.)